《一國兩制在香港特別行政區的實踐》白皮書

《一國兩制在香港特別行政區的實踐》白皮書

真係睇到罄左囉!

 

憲法和香港基本法規定的特別行政區制度是國家對某些區域採取的特殊管理制度。在這一制度下,中央擁有對香港特別行政區的全面管治權

咁有乜特殊?

 

香港駐軍堅持依法駐軍、依法治軍,認真完成各項防務任務,組織海空巡邏、海空難搜救演習、諸軍兵種聯合演習、跨營區機動演練等軍事行動,為維護國家主權和領土完整提供了有力保障。

人民生命財產不在保障之列。呃都費事。

 

就香港永久性居民在香港以外所生中國籍子女等的居留權問題…對基本法及其附件的有關條款作出解釋。

莊豐源是個在香港出生的中國公民,基本法第二十四條係咁「香港特別行政區永久性居民為: ( 一 )在香港特別行政區成立以前或以後在香港出生的中國公民」,點先可以解釋到佢冇居留權?

答︰因為”非法入境、逾期居留或在香港臨時居留”唔算”在香港”……… 下?第日你話唔係順產出世我唔當你出左世都得架啦!

邊個講架?原來 1999年6月26日全國人大常委會通過《關於香港基本法第22條第4款和第24條第2款第(3)項的解釋》,佢叫你要睇 1996年8月10日全國人大香港特區籌委會通過的《關於實施香港基本法第24條第2款的意見》。大佬呢份”XXX的意見” 係 basiclaw.gov.hk 都搵唔到,中聯辦個網頁先有。係完全難以置信D乜乜意見原來可以 override 基本法條文。

你係咁既意思,就應該改基本法做 “在香港出生” + “父母在港合法定居”。好似錯 Spec 就應該改 Spec,而唔係指住份 Spec 亂咁UP。

 

行政長官選舉的民主程度不斷提高。第一任行政長官人選經400人組成的推選委員會選舉產生,第二任至第四任行政長官人選經選舉委員會選舉產生,選舉委員會的規模由800人增至1200人。

選舉委員會3屆多左800人,即係第27,141屆行政長官選舉就包括7百萬人啦好野~!

 

社會保障逐步完善。香港特別行政區政府在社會福利方面的開支總額由1997-1998財政年度的204億港元增長到2014-2015財政年度預算的619億港元,增長了2.03倍。

社會保障是否完善係睇效果,唔係睇開支。錯晒!

 

1997年亞洲金融危機爆發並迅速蔓延,港元受到國際投機勢力狙擊…中央政府鄭重宣布,將不惜一切代價維護香港特別行政區的繁榮穩定,堅決支持香港特別行政區政府維護聯繫匯率制度,堅持人民幣不貶值。在中央政府的支持下,香港特別行政區政府採取果斷措施,維護了金融和社會的穩定。

當年係港府用大量外匯儲備入市,係任志剛曾蔭權,關你乜事

 

2003年上半年,非典疫情肆虐香港…為保障香港同胞生命安全,幫助香港經濟走出低迷,中央政府及時伸出援助之手。

再講又燥架啦我

 

中央政府應香港特別行政區政府請求,逐步擴大“個人遊”試點城市…. 2012年“個人遊”為香港帶來相當于本地生産總值1.3%的增加值,創造了超過11萬個職位,佔本地整體就業的3.1%。為更多地惠及香港中小商戶和基層市民

陸沉啦!文具鋪、麵包鋪結業,流失的職位有否計算?除業主外真有人受惠嗎?

 

同時,香港是內地最重要的貿易夥伴和主要出口市場之一。香港還是內地最大的境外融資中心。

香港=境外。

 

廣深港高速鐵路全線建成通車後,香港將與全國高速鐵路網對接。

乜野叫”對接”?

 

支持兩地教師、學生開展交流

普教中?洗腦團?

 

受自然環境限制,香港所需的淡水、蔬菜、肉禽等基本生活物資主要由內地供應。

不殺雞場雞檔香港活雞本可自給自足,內地供應又唔係安全D。

︰大家都見本地菜農如何被恐嚇逼遷。但係北區和元朗有好多荒廢農地…

豬、牛︰都唔係第一日講啦,五豐行賣香港個價係貴過賣深圳個價,仲壟斷添。

香港水塘年年滿瀉,卻優先使用東江水,仲買得好貴。

香港買東江水︰每立方米4.8元

東莞買東江水︰每立方米0.5元

新加坡向馬來西亞買水︰每立方米0.014元

仲要有兩成食水爆水管冇左

 

大亞灣核電站向香港供電

我都唔知做乜,我地而家係年年出口電力往中國內地

 

高度自治權的限度在于中央授予多少權力,香港特別行政區就享有多少權力,不存在“剩余權力”。

下?唔係寫左架咩?咁可以扔左本基本法啦。

 

行政長官最終達至由一個有廣泛代表性的提名委員會按民主程序提名後普選產生,立法會最終達至全部議員由普選產生,這是中央政府作出的莊重承諾

點解唔直接講「立法會全部議員將由普選產生」

 

隨著香港與內地交往的密切,兩地民眾之間的相互了解逐漸加深,香港同胞對國家的認同和向心力不斷增強。

互相了解之後發現性格不合咁可以點

 

當內地遭受重大自然災害時,香港同胞慷慨相助

D錢最後…?

 

“一國兩制”在香港特別行政區的實踐,取得了舉世公認的成功。

算吧啦好冇

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s