好大既官威?法庭新聞得啖笑

只有SCMP既法庭新聞係睇得明。HK01已經算詳細,但睇完仍然一舊雲。

疑問一
署長話果個護士返五日半,周一至周五做陪審團豁免上班,周六仍須按照合約工作。
「法官反問署長:『你有無看出有錯嗎?』」吓我都睇唔出喎。如果你剩係星期一做一日陪審團,唔通 rest of the week 都唔駛返工?

疑問二
「署長回應說:『實際上我們不能反對,這是責任,這是法例。』法官即表示,擔任陪審員是公民責任的首要任務,但公務員事務局卻將員工擔任陪審員,只作酌情權處理,是錯誤的」
完全唔明,署長都話冇得反對,意即她並沒有酌情權,法官又為何指責她「作酌情權處理」?「公務員事務局」又從何而來?

睇左HK01果篇,只會覺得「法官大人你UP乜野?」「好大既官威」,雖然鬧既係政府高層,大家都好似食花生得好高興…. 再睇SCMP…

解答一
原來法官話按陪審團條例,整場審訊係一個 “continuing” process,唔可以中途要人返工。咁睇返條例 “is serving as a juror” 又的確係應該咁理解。仲話如果政府做得唔好,恐怕私人公司會跟隨,因政策效慮,政府要更加乖乖地。

解答二
原來署長話係睇CSR去決定,唔清楚既情況就由公務員事務局局長酌情處理。咁CSR其實都係指去SoCS啫。所以法官先會鬧CSB其實冇酌情權。

HK01:
【曾蔭權涉貪案】要陪審員周六上班 衞生署署長陳漢儀向法庭致歉|香港01|港聞|

SCMP:
Hong Kong health official summoned to Donald Tsang’s graft trial over juror’s complaint | South China Morning Post

on.cc今次難得詳細準確:
曾蔭權案護士任陪審員須周六工作 衞生署長道歉|即時新聞|港澳|on.cc東網

Advertisements

再說無力感

但霎眼\ 全街的單位\ 快要住滿烏鴉

烏鴉呢?

再說無力感。

2005年,灣仔利東街重建,一切抗爭終徒勞,印帖商戶四散。大家對囍帖街的消失感可惜,重建巨獸下又一亡魂。2013年命名囍歡里,網上也見一番爭議。

2015年,利東街重建後開幕,變成高級時裝餐飲商場。此後,無論閒日假日,不論晝夜,皆門庭若市。

香港人,用腳、用錢投了票。

抗爭失敗,至少團結過、發過聲。一次失敗、兩次失敗、百次失敗,還是會繼續。因為這是大家的權利所在,一起堅守的價值。

然後發現,這不是大家的價值。或者跟本沒有所謂「大家」。一廂情願,無人稀罕。

雨傘再失望無奈,不及曾俊華龍和道集氣大會一記迎頭痛擊。[1]

#這個叫香港的地方
#其實我不認識你

 

 

[1] 袁彌昌半年前與同伴一同締造「曾俊華神話」,深知這個年頭公關就是王道。「曾俊華實驗更加癲,只要出到嚟四四正正,講返啲人話,為香港人做返一啲嘢,你見我哋(曾俊華)政綱中 23 條比林鄭毒好多,但都 okay 嘅,啲人都唔會理你。」【中間道.4】以中間之名 進撃的建制派 | 立場報道 | 立場新聞

 

Game Review: Orwell

Orwell,隻Game係玩監控市民。

個監控系統好廢。要自己upload資料,要逐個人向警方/軍方問資料,又要刨網頁、刨blog。

ISP又唔識搵敏感字、大學又唔識自我審查、傳媒又唔識自我審查,又唔識自動自覺交人名,警察拉人之前又要搵原因。

結局竟然係整到有犯罪證據,逼住要檢控,所以令監控系統曝光???
乜原來有證據就一定要檢控!?
等我睇攻略一直睇唔明…

最O咀既係,我真係捉緊炸彈狂徒…  

Wukan: China’s Democracy Experiment

Wukan: China’s Democracy Experiment

一連六集,講烏坎村2011年到2016年,佢係跟住幾個主要角色咁拍,所以好似睇劇咁。最後兩集峰迴路轉,好睇過日劇,坂元裕二都寫唔到。

有D野好有感覺。

村民只管埋怨,選舉後全旨意村委處理土地問題,明明選舉前大家都是村民,肩並肩抗爭。

無人帶領時,村民亂成一團嘈嘈嘈嘈嘈。有人開始用大聲公發言,全世界即刻靜晒。都在 make noise 但不行動。等人帶領既心態。

新村委變得建制,明明合法途徑沒法取回土地,仍想依法爭取,反對堵路,可惜村民唔係咁諗。

人與人之間毫無信任,覺得新村委沒有取回土地因為已被控制,甚至被收買。明明全村只有萬三人,大家認識數十年、甚至識左幾代。

新村委勢弧力弱,無法取回土地,而且得不到村民支持。

第五集賄款果段完全跟唔到,難為正邪定分界。或者本來就沒有所謂正邪,大家都不過是人。各有理想,各有弱點,也各有恐懼。

對那些看似自私或墮落的決定,也恨不起來。畢竟太熟悉這無力感,很理解。

新紮記者問村委,誰監聽你的電話。村委答,沒有「誰」,只有「他們」。

我的29+1

每天都在問,咁我地點。
很清楚唔想咁樣,但唔知想點,其實又可以點樣。
每個關於將來的問題,大都可以轉化為人生的意義。
每條問題都np-complete,大到我無從入手處理。

有時會想,寧願我們沒有選擇。點解你要係男人,點解?

希望一朝醒來,突然發現昨天的自己已經為明天的自己作了些決定。
可惜,每天都是今天。
今天太累,上上網,打掃一下,看一點書,賞花賞月賞秋香就好。

很好的偽裝,很像樣很靠譜的婚姻和工作。
其實願意commit,只因這兩者於我都是reversible。因為可以離婚和辭職,才願意一試。
也許這都是自欺,因為時間不能重來。試一年,就過一年。
讓我自欺一下,什麼都還未決定,什麼都有可能…

始終不願面對終期於盡。
希望現在仍是29-4,讓我再揮霍一下,再逃避一下。

特首選舉雜談

民主的限制

葉劉話希特拉都係民選,其實好值得反思,亦有好多學術研究點解當時咁多人支持佢,唔好笑完就算。梁振英問五年前特首選舉佢民望最高,做咩泛民冇all-in比佢。條問題好legit,反映民眾有時會做傻決定,唔好窒完就算。

 

「中間路線」

曾俊華很受歡迎,湯家驊無人理睬。雖然我也覺得湯家驊時常不知所云,爭唔落,但二人最大分別,曾俊華其實淡化立場、淡化政綱。曾俊華被讚賞的是他講人話、同人 Selfie、好多市民圍,甚至是選舉 Campaign 宣傳照片、字體。都不是政綱內容。

According to Mehrabian, the three elements account differently for our liking for the person who puts forward a message concerning their feelings: words account for 7%, tone of voice accounts for 38%, and body language accounts for 55% of the liking.

當然,正能量不會動搖政權絲毫。不過,曾俊華真的令很多人開心、重拾希望,又有什麼資格說他不是呢?

 

民主派

點解民主鬥士咁樣?梁家傑、李柱銘都真誠擁護曾俊華。李柱銘都唔係第一次退讓底線,之前政改話過,只要泛民入到閘既方案都可以。泛民多年在野,突然有300票,大家以為自己有影響力,即陣腳大亂,對不願低頭的「同路人」口誅筆伐。

 

建制派

建制800票好齊心。當大家仲希望民主派有300票,民意可以令建制、商界倒戈。而家諗返,真係傻豬黎。建制選委係既得利益階層,佢地好好,生意好好,權力好好,點解要變?或者應該諗下「中國好,香港好」果個「香港」係講緊邊個。

 

商界

政商勾結一直都有。自開埠以來,眾大班一直能左右政府政策。或者咁講,政策一直係為佢地寫。建立殖民地既目的就係做生意,呢個先係真正既初衷。

 

龍和道

佔領過了一星期,基本平靜下來。大家都明白,跟本毫無 bargaining power。在龍和道繼續推的,是最不忍放棄的一群。由佔領起,至上星期曾俊華賦予龍和道新意義,被藍絲,被泛民,被一街之隔的大台譴責得最狠的,正是這一群。其實一直都冇變過。

 

龍和道新義

漂亮的政治宣傳,如同「Make HK Great Again」。所謂的不談政治,所謂的和解,背後就是「馬照跑舞照跳」,食玩買一直是香港的核心價值。但一直不理會社會格局,又如何突然令香港 great again?香港經濟繁榮背後的中英博奕,本身就極度政治化。龍和道新義,將「覺醒」了人的都邊緣化了,大家瞓返食玩買吧。

 

保護學生

事後孔明,最危險不是 928 的催淚彈。而是 926 衝進公民廣場,十幾個學生被困,到 927 小貓三幾隻係最危險。

 

撕裂 / 和解

真心,好多話而家「社會撕裂」既人,我覺得佢唔知自己講緊乜。不同階層既利益衝突?政治意識形態漸移向兩端極端?族群認知分歧?香港沒有執政黨,也找不到人談政治理念。家人意見相左,大慨是因為終於「攞出黎傾」。

政治就是如何分配社會資源。政見反映價值觀,反映個人身份認同,反映對公義的認知、信奉的價值。價值多元,不同人有不同政見,那是正常。意見相左並無問題,除非你妄自尊大認為只有自己代表真理。

 

港豬

望住政府、政客,好燥。再望人身邊附近「支持民主」既人,我到底燥緊乜野?發哥講得好中,香港人核心價值就係搵食。唔好搞到咁撕裂,得閒食好西、搶平機票、買鞋買game買電話,大家滿意架啦,OK架啦。話香港人渴求民主係自作多情。將這些討論都掃進梳化底,研究下今晚食乜餸,那就很和諧了。

 

但又咁,大部份人為揾食有咩問題?人生在世想過好生活有咩問題?唔通人生意義係革命咩?陳近南咩?

反清復明、阿彌陀佛、恭喜發財,大慨都是一樣。

 

 

民主派支持者撐建制派候選人

我覺得撐曾現象好值得研究
好似重新認識了民主派支持者

想share 呢個post既comment

 

仲有ITVision呢個post既comment

 

同埋真普選醫生聯盟呢個


之後呢篇野其實好多段都有D反感
但有一句我翻來覆去睇左幾次

「香港人唔需要我救,一切都是自己一廂情願」

我退出社運/政治的原因 | 大舊 | 立場新聞